eng

news

„ენერგო-პრო ჯორჯიამ“ ქუთაისში გამწვანების აქცია მოაწყო

06 აპრილი, 2016
"ენერგო-პრო ჯორჯიას” თანამშრომლებმა" რიონჰესის” არხის მიმდებარედ მუხის ნერგები დარგეს. 120 ძირი მუხა დაირგო მუხნარის ტყის იმ მონაკვეთზე, სადაც ხეების დიდი ნაწილი დაზიანებული და გამხმარი იყო. კომპანიის ინიციატივით, პირველ რიგში გამწვანდა ის ტერიტორია, რომელიც ამ კუთხით განსაკუთრებით საჭიროებდა ყურადღების მიქცევას. სხვა მიმდინარე პროექტებთან ერთად, ენერგო-პრო ჯორჯიასთვის საკმაოდ მნიშვნელოვანია გარემოსდაცვითი საკითხები.

მუხნარის ტყის გამწვანების პროექტზე აქტიურად მუშაობდა ენერგო-პრო ჯორჯიას ეკოლოგი, რომელმაც შესაბამისი დარგის სპეციალისტებთან ერთად, კლიმატური პირობების გათვალისწინებით, შეარჩია დარგვის პერიოდი და ხეების სახეობა.

„ქართული მუხის ხის ენდემური სახეობა შეირჩა მუხნარის ტყის კლიმატური პირობებისა და ნიადაგის გათვალისწინებით. აღნიშნული აქციით, ჩვენ მცირე წვლილს შევიტანთ მუხნარის ტყეში მუხის ხეების შენარჩუნებისთვის, რადგან ზოგადად მუხა წითელ წიგნშია შეტანილი“ – განაცხადა ენერგო-პრო ჯორჯიას ეკოლოგმა მარიამ მჭედლიშვილმა.

გამწვანების აქციაში მონაწილეობა მიიღეს ენერგო-პრო ჯორჯიას დასავლეთ ცენტრალური ფილიალის და რიონჰესის თანამშრომლებმა. კომპანია მომავალშიც განაგრძობს მსგავსი ტიპის პროექტების განხორციელებას.
28 დეკემბერი, 2020

ენერგო-პრო ჯორჯია - ელექტროენერგიის ტარიფის მნიშვნელოვნი ზრდა გარდაუვალია

უკვე შეგვიძლია დავასკვნათ, რომ სამომხმარებლო ტარიფის ზრდა სამწუხაროდ აუცილებელია. ხაზგასასმელია, რომ დღეს მოქმედი ტარიფი დადგინდა 2018 წლის 1 იანვრიდან 3 წლის ვადით. მოქმედი ტარიფი, ობიექტურ მიზეზთა გამო, უკვე დიდი ხანია ვერ ანაზღაურებს დრამატულად გაზრდილ ხარჯებს, ელექტროენერგიის შესყიდვის თუ სხვა მიმართულებებით. უკვე 10 თვეა მწვავე ფინანსურ კრიზისში ვიმყოფებით, მოგვიწია განვითარების ყველა გეგმაზე უარის თქმა, საინვესტიციო პროექტების მნიშვნელოვნად შემცირება, გართულდა სახელფასო ფონდის დაფინანსებაც კი. მიუხედავად აღნიშნული სირთულეებისა, დამფუძვნებელი ჯგუფის და საბანკო სექტორის დახმრებით, მაინც შევძელით ვალდებულებების შესრულება, აგრეთვე შევიანრჩუნეთ ყველა თანამშრომლი. თუმცა, საინვესტიციო პროექტების ასეთი შემცირება, ბუნებრივია უარყოფით გავლენას ახდენს მომსახურეობის ხარისხზე და ელექტრომომარაგების უწყვეტობის მაჩვენებლებზე" - განაცხადა კომპანიის გენერალურმა დირექტორმა მიხეილ ბოცვაძემ.
ვრცლად
29 სექტემბერი, 2020

სს ,,ენერგო-პრო ჯორჯია“ ხელს უწყობს ქართულ-ჩეხურ უნივერისტეტებს შორის თანამშრომლობას

სს „ენერგო-პრო ჯორჯია“ ახალ ჩეხურ-ქართულ სამეცნიერო პროგრამაში ჩაერთო. აღნიშნული პროგრამის მიზანია ენერგეტიკის დარგის ახალგაზრდა სტუდენტებში პოპულარიზაცია, საგანმანათლებლო სისტემის განვითარების ხელშეწყობა, ასევე, ქართულ და ჩეხურ უნივერსიტეტებს შორის თანამშრომლობის გაღრმავება. პროექტის პრეზენტაცია ჩეხეთის საელჩოში გაიმართა. პრეზენტაცია გახსნეს ჩეხეთის რესპუბლიკის ელჩმა საქართველოში პეტრ მიკისკამ, სს „ენერგო-პრო ჯორჯიას“ ადამიანური რესურსების მართვის დეპარტამენტის უფროსმა გიორგი ტრაპაიძემ, ჩეხეთის ტექნიკური უნივერსიტეტის წარმომადგენელმა პრაღაში, დოქტორმა პეტრ ნოვაკმა და იან ჩერნიკმა, ჩეხეთის საელჩოს თანამშრომლობის განყოფილების უფროსმა.
ვრცლად