eng

news

ენერგო–პრო ჯორჯია გარემოს დაცვის კუთხით ახალ პროექტს იწყებს

21 ოქტომბერი, 2014
ენერგო–პრო ჯორჯია გარემოს დაცვის და ეკოლოგიის კუთხით პროექტების განხორციელებას აქტიურად განაგრძობს. კომპანიის ინიციატივით ენერგო–პრო ჯორჯიას ქუთაისის მომსახურების ცენტრში სამუშაო შეხვედრა, საღორიის ტყის ეკოსისტემის დაცვისათვის საჭირო ღონისძიებების თემაზე გაიმართა.

პროექტის ფარგლებში შესაძლებელი იქნება იმ ღონისძიებების განხორციელება, რომლებიც ითვალისწინებენ საღორიის ტყეში მუხნარის გადარჩენას, აღდგენასა და დაცვას. ამისთვის, ენერგო–პრო ჯორჯია გეგმავს კომპანიის მფლობელობაში არსებული რიონის ჰიდროელექტროსადგურის სადერივაციო არხის მარცხენა მხარეს არსებული დაჭაობებული უბნების დასაშრობი ღონისძიებების განხორციელებას.

„ეკოლოგიური გარემოს შენარჩუნება და ეკოსისტემების დაცვა ენერგო–პრო ჯორჯიას ერთერთ უმნიშვნელოვანეს პრიორიტეტს წარმოადგენს. შესაბამისად, სს „ენერგო-პრო ჯორჯია“-ს ეკოლოგიურმა სამსახურმა განახორციელა დაჭაობებული უბნების კვლევა და შეიმუშა მისი დაშრობის საინჟინრო-მელიორაციული ღონისძიებების პროექტი. გარდა ამისა, პროექტის განხორციელების შემდეგ, კომპანია გეგმავს დაზიანებული მუხნარის აღდგენისა და დამატებით ფიტო-მელიორაციული სამუშაოების ჩატარებას, რაც გულისხმობს ევკალიპტების დარგვას ჭაობის ამოშრობის მიზნით“– განაცხადა ენერგო–პრო ჯორჯიას ეკოლოგმა მარიამ მჭედლიშვილმა.

ს.ს. ენერგო–პრო ჯორჯიას კარგად აქვს გათვითცნობიერებული საკუთარი პასუხისმგებლობა გარემოსა და საზოგადოების მიმართ, შესაბამისად კომპანია სისტემატურად ატარებს გარემოსდაცვის ღონისძიებებს.
28 დეკემბერი, 2020

ენერგო-პრო ჯორჯია - ელექტროენერგიის ტარიფის მნიშვნელოვნი ზრდა გარდაუვალია

უკვე შეგვიძლია დავასკვნათ, რომ სამომხმარებლო ტარიფის ზრდა სამწუხაროდ აუცილებელია. ხაზგასასმელია, რომ დღეს მოქმედი ტარიფი დადგინდა 2018 წლის 1 იანვრიდან 3 წლის ვადით. მოქმედი ტარიფი, ობიექტურ მიზეზთა გამო, უკვე დიდი ხანია ვერ ანაზღაურებს დრამატულად გაზრდილ ხარჯებს, ელექტროენერგიის შესყიდვის თუ სხვა მიმართულებებით. უკვე 10 თვეა მწვავე ფინანსურ კრიზისში ვიმყოფებით, მოგვიწია განვითარების ყველა გეგმაზე უარის თქმა, საინვესტიციო პროექტების მნიშვნელოვნად შემცირება, გართულდა სახელფასო ფონდის დაფინანსებაც კი. მიუხედავად აღნიშნული სირთულეებისა, დამფუძვნებელი ჯგუფის და საბანკო სექტორის დახმრებით, მაინც შევძელით ვალდებულებების შესრულება, აგრეთვე შევიანრჩუნეთ ყველა თანამშრომლი. თუმცა, საინვესტიციო პროექტების ასეთი შემცირება, ბუნებრივია უარყოფით გავლენას ახდენს მომსახურეობის ხარისხზე და ელექტრომომარაგების უწყვეტობის მაჩვენებლებზე" - განაცხადა კომპანიის გენერალურმა დირექტორმა მიხეილ ბოცვაძემ.
ვრცლად
29 სექტემბერი, 2020

სს ,,ენერგო-პრო ჯორჯია“ ხელს უწყობს ქართულ-ჩეხურ უნივერისტეტებს შორის თანამშრომლობას

სს „ენერგო-პრო ჯორჯია“ ახალ ჩეხურ-ქართულ სამეცნიერო პროგრამაში ჩაერთო. აღნიშნული პროგრამის მიზანია ენერგეტიკის დარგის ახალგაზრდა სტუდენტებში პოპულარიზაცია, საგანმანათლებლო სისტემის განვითარების ხელშეწყობა, ასევე, ქართულ და ჩეხურ უნივერსიტეტებს შორის თანამშრომლობის გაღრმავება. პროექტის პრეზენტაცია ჩეხეთის საელჩოში გაიმართა. პრეზენტაცია გახსნეს ჩეხეთის რესპუბლიკის ელჩმა საქართველოში პეტრ მიკისკამ, სს „ენერგო-პრო ჯორჯიას“ ადამიანური რესურსების მართვის დეპარტამენტის უფროსმა გიორგი ტრაპაიძემ, ჩეხეთის ტექნიკური უნივერსიტეტის წარმომადგენელმა პრაღაში, დოქტორმა პეტრ ნოვაკმა და იან ჩერნიკმა, ჩეხეთის საელჩოს თანამშრომლობის განყოფილების უფროსმა.
ვრცლად