eng

news

გარდაბნის აირტურბიონულ ელექტროსადგურ „ჯიფაუერ“-ში ხანძრის საჩვენებელი სიმულაცია განხორციელდა

11 მარტი, 2016
გარდაბნის აირტურბიონულ ელექტროსადგურზე დღეს საგანგებო სიტუაციების მართვის სამსახური იყო მობილიზებული. სს „ენერგო-პრო ჯორჯია“-ს შვილობილ კომპანიაში შპს „ჯიფაუერ“-ში სახანძრო-სამაშველო ვარჯიშები ჩატარდა. გარდაბნის აირტურბიონულ ელექტროსადგურზე მოეწყო ხანძრის საჩვენებელი სიმულაცია, რომლის დროსაც გამოცხადდა ელექტროსადგურის პერსონალის სრული ევაკუაცია და ინსცინირებული ხანძრის კერაში სამაშველო ბრიგადების განლაგება. სცენარის თანახმად, „ჯიფაუერ“-ის ენერგობლოკის ერთერთ ტურბინაზე ხელოვნურად გაჩენილი ხანძრის ჩასაქრობად სრული მობილიზაცია მოახდინა სამაშველო სამსახურმა და წყლის ჭავლის მეშვეობით ჩააქრო ტურბინაზე გაჩენილი ხანძარი; გარდა ამისა, სწავლების ფარგლებში, სიმულაცია განხორციელდა ქიმიური ხსნარების შესანახ სასაწყობო კონტეინერში. კონტეინერში სცენარის თანახმად, მოხდა ქიმიური ნივთიერების გაჟონვა, ხანძარი და მისი ლიკვიდაცია.

მსგავსი ტიპის საჩვენებელი სახანძრო ვარჯიშები პირველად ჩატარდა შპს „ჯიფაუერ“-ის აირტურბინულ სადგურზე. სწავლების მიზანს წარმოადგენდა საგანგებო სიტუაციის წარმოქმნის დროს, აირტურბინული ელექტროსადგურის პერსონალისა და სახანძრო-სამაშველო დანაყოფების კოორდინირებული მოქმედებები, აგრეთვე სათანადო უნარ-ჩვევების გამომუშავება. მომავალში, სს „ენერგო-პრო ჯორჯია“ გეგმავს მსგავსი პრაქტიკის დანერგვას კომპანიის საკუთრებაში არსებულ ჰიდროელექტროსადგურებზეც.
29 სექტემბერი, 2020

სს ,,ენერგო-პრო ჯორჯია“ ხელს უწყობს ქართულ-ჩეხულ უნივერისტეტებს შორის თანამშრომლობას

სს „ენერგო-პრო ჯორჯია“ ახალ ჩეხურ-ქართულ სამეცნიერო პროგრამაში ჩაერთო. აღნიშნული პროგრამის მიზანია ენერგეტიკის დარგის ახალგაზრდა სტუდენტებში პოპულარიზაცია, საგანმანათლებლო სისტემის განვითარების ხელშეწყობა, ასევე, ქართულ და ჩეხურ უნივერსიტეტებს შორის თანამშრომლობის გაღრმავება. პროექტის პრეზენტაცია ჩეხეთის საელჩოში გაიმართა. პრეზენტაცია გახსნეს ჩეხეთის რესპუბლიკის ელჩმა საქართველოში პეტრ მიკისკამ, სს „ენერგო-პრო ჯორჯიას“ ადამიანური რესურსების მართვის დეპარტამენტის უფროსმა გიორგი ტრაპაიძემ, ჩეხეთის ტექნიკური უნივერსიტეტის წარმომადგენელმა პრაღაში, დოქტორმა პეტრ ნოვაკმა და იან ჩერნიკმა, ჩეხეთის საელჩოს თანამშრომლობის განყოფილების უფროსმა.
ვრცლად