eng

news

სს „ენერგო-პრო ჯორჯია“ და სს „ენერგო-პრო ჯორჯია გენერაცია“ ნაწილობრივ დისტანციურ რეჟიმში მუშაობას განაგრძობს

15 ივნისი, 2020
ახალი კორონა ვირუსის გავრცელების პრევენციის მიზნით, სს „ენერგო-პრო ჯორჯიასა“ და „ენერგო-პრო ჯორჯია გენერაციის“ თანამშრომლები ნაწილობრივ განაგრძობენ დისტანციურად მუშაობას.
 
კომპანიის სათაო და ასევე რეგიონალურ ოფისებში ადგილზე მუშაობას განაგრძობს თანამშრომლების სრული შემადგენლობის დაახლოებით 50%. ის თანამშრომლები, რომელთა მუშაობა შესაძლებელია დისტანციურად, სახლიდან განაგრძობენ მუშაობას. ხოლო მათთვის, რომლებიც მუშაობენ ოფისებში, ყველა რეკომენდაციის გათვალისწინებით, შექმნილია შესაბამისი სამუშაო პირობები. ოფისები აღჭურვილია სადეზინფექციო ხსნარებით, სამსახურში გამოცხადებისთანავე თანამშრომლები გადიან თერმოსკრინინგს და სამუშაო მაგიდებს შირის დაცულია 2 მეტრიანი დისტანცია. განყოფილებებში, სადაც ადგილზე ბევრი ადამიანი მუშაობს, თანამშრომლები მუშაობას განაგრძობენ მორიგეობით, სპეციალურად შემუშავებული გრაფიკის მიხედვით.

„მიუხედავად იმისა, რომ კერძო სექტორს ამ ეტაპზე არ აქვს ვალდებულება თანამშრომლები ამუშაოს დისტანციურ რეჟიმში, „ენერგო-პროს“ მენეჯმენტი, ითვალისწინებს ახალი კორონა ვირუსის გავრცელების პრევენციასთან დაკავშირებულ ყველა რეკომენდაციას და კომპანიის თანამშრომლების ნაწილი კვლავ განაგრძობს დისტანციურ რეჟმში მუშაობას. პროფესიულ საქმიანობასთან ერთად, ჩვენთვის პრიორიტეტულია ყოველი თანამშრომლის ჯანმრთელობა“ - განაცხადა სს „ენერგო-პრო ჯორჯიას“ გენერალურმა დირექტორმა მიხეილ ბოცვაძემ.

ტექნიკური სამსახური და კომპანიის მფლობელობაში არსებული ჰიდროელექტროსადგურები, უსაფრთხოების ყველა ნორმის დაცვით, ჩვეულ რეჟიმში განაგრძობენ მუშაობას. შესაბამისად, კომპანიის აბონენტების ენერგომომარაგება შეუფერხებლად გრძელდება.
02 აპრილი, 2020

მარტში სს ,,ენერგო-პრო ჯორჯიამ“ მომხმარებელთა უკლებლივ ყველა განაცხადი, გადასახადების განწილვადების ან გადავადების შესახებ, დააკმაყოფილა

კომპანიამ გაითვალისწინა ქვეყანაში შექმნილი განსაკუთრებით მძიმე მდგომარეობა და მარტში მომხამარებელთა ყველა განაცხადი, სააბონენტო გადასახადის განწილვადების ან გადავადების შესახებ სრულად დააკმაყოფილა, რომლებიც თებერვალში მოხმარებულ ელექტროენერგიას შეეხებოდა. უფრო მეტიც, მიღებულ იქნა უპრეცედენტო გადაწყვეტილება და მთელი მარტის განმავლობაში, არცერთ აბონენტს, კომერციული აბონენტების ჩათვლით, ელექტროენერგიის მიწოდება არ შეწყვეტია. (ყოველთვიურად, საშუალოდ, 40 ათას აბონენტს უწყდება ელ.მომარაგება დავალიანების გამო). ,,ამ რთულ პერიოდში, ეს იყო ძალიან მნიშვნელოვანი თანამშრომლობა, კომპანიასა და მის აბონენტებს შორის, რადგან ერთის მხრივ, კომპანიამ გაითვალისწინა მომხმარებელთა მძიმე მდგომარეობა და უარი თქვა გათიშვების წარმოებაზე, ხოლო მეორეს მხრივ აბონენტთა დიდმა ნაწილმა დროულად მოახდინა დავალიანების დაფარვა ან მოითხოვა გადახდის შეღავათიანი პირობები. აბონენტთა მხოლოდ მცირე ნაწილმა კი არ განახორციელა ანგარიშსწორება და არც დავალიანების განწილვადება მოითხოვა“ - აცხადებენ კომპანიაში.
ვრცლად
13 მარტი, 2020

სს „ენერგო-პრო ჯორჯიას“ მომსახურების ცენტრები 16 მარტიდან დისტანციურ მომსახურებაზე გადადიან

დაავადებათა კონტროლისა და საზოგადოებრივი ჯანმრთელობის ეროვნული ცეტრის რეკომენდაციის გათვალისწინებით, ახალი კორონა ვირუსის გავრცელების თავიდან აცილების მიზნით, სს „ენერგო-პრო ჯორჯიას“ მომსახურების ცენტრები სრულად გადადიან დისტანცირ მომსახურებაზე. კომპანიის აბონენტებს და დაინტერესებულ პირებს მათთვის საინტერესო საკითხის შესახებ ინფორმაციისა და მომსახურბის მიიღება შეუძლიათ კომპანიის ოფისებში მისვლის გარეშე, კომპანიის ქოლ ცენტრის (0322471707) მეშვეობით, აგრეთვე ვებ გვერდიდან უფასო ვებზარის (http://www.energo-pro.ge), ვებგვერდის კონტაქტების ველიდან შეტყობინების გაგზავნის, ელექტრონული ფოსტის (info@energo-pro.ge) და სოციალური გვერდის მეშვეობით (https://www.facebook.com/energoprogeorgia/).
ვრცლად