ელექტრო ენერგიის წარმოების საკუთარი საშუალება

სისტემის ოპერატორის წინასწარი ინფორმირებით, მომხმარებელს უფლება აქვს სარგებლობდეს ელექტროენერგიის წარმოების საკუთარი საშუალებით, იმ პირობების გათვალისწინებით, რომ წარმოებული ელექტროენერგია არ გადადინდება გამანაწილებელ ქსელში და სრულად ათვისებული იქნება მხოლოდ მომხმარებლის საკუთარი მოხმარებისთვის. ელექტროენერგიის წარმოების საკუთარი საშუალებით გამომუშავებული ელექტროენერგიის სისტემის ოპერატორის გამანაწილებელ ქსელში გადადინება დასაშვებია მხოლოდ აღნიშნული წარმოების საშუალების სისტემის ოპერატორთან მიკროსიმძლავრის ელექტროსადგურად რეგისტრაციის ან ელექტროენერგიის საბითუმო ბაზარზე იმავე წარმოების საშუალების ნაწილში წარმოების ლიცენზიატად ან მცირე სიმძლავრის ელექტროსადგურად რეგისტრაციის შემთხვევაში.

ელექტროენერგიის გამანაწილებელ ქსელში გადადინება უნდა შეიზღუდოს მომხმარებლის მიერ მომხმარებლის შიდა ქსელში შესაბამისი ავტომატიკის ან სხვა ტექნიკური საშუალებების, ან/და მომხმარებლის შიდა ქსელის სპეციალური სქემის მოწყობით, რაც ტექნიკურად ზღუდავს წარმოებული ელექტროენერგიის გამანაწილებელ ქსელში გადადინებას.

ელექტროენერგიის გამანაწილებელ ქსელში გადადინების კონტროლის მიზნით, მომხმარებელთან, რომელიც ფლობს ელექტროენერგიის წარმოების საკუთარ საშუალებას, ხდება ორმიმართულებიანი (რევერსული) მრიცხველის მონტაჟი შემდეგი პროცედურის დაცვით: ელექტროენერგიის წარმოების საკუთარი საშუალებით სარგებლობის ფაქტის გამოვლენისთანავე, სისტემის ოპერატორი მომხმარებელს აცნობებს წარმოების საშუალების მოქმედი კანონმდებლობის შესაბამისად, სისტემის ოპერატორთან ან ელექტროენერგიის საბითუმო ბაზარზე რეგისტრაციამდე გამანაწილებელ ქსელში ელექტროენერგიის გადადინების აკრძალვის შესახებ, და მომხმარებელს რეგისტრაციისთვის მისცემს გონივრული ვადას, რომელიც არ უნდა იყოს 3 თვეზე მეტი. აღნიშნული ვადის უშედეგოდ გასვლის შემდეგ, თუ ამ პერიოდში მომხმარებელმა სათანადო განაცხადით არ მოითხოვა ორმიმართულებიანი (რევერსული) მრიცხველის მონტაჟი, სისტემის ოპერატორი თავად დაამონტაჟებს ელექტროენერგიის ორმიმართულებიან (რევერსული) მრიცხველს და მომხმარებელს დაარიცხავს ჭკვიანი მრიცხველის მოწყობის საფასურს, საქართველოს ენერგეტიკისა და წყალმომარაგების მარეგულირებელი ეროვნული კომისიის 2021 წლის 28 ივნისის N19 დადგენილებით დამტკიცებული „ელექტროენერგიის გამანაწილებელი ქსელის წესების“ (შემდგომში - „წესები“) №4 დანართით განსაზღვრული შეთავაზებული პაკეტების შესაბამისად.

დანართი №4

აღრიცხვის კვანძის (ჭკვიანი მრიცხველის) მოწყობის ვადები და საფასური

ძაბვის საფეხური, კვ	სიმძლავრე, კვტ	აღრიცხვის სისტემის მოწყობის ვადა (სამუშაო დღე)	მრავალფუნქციური ელექტრონული აღრიცხვის სისტემის მოწყობის საფასური დღგ-ის ჩათვლით, ლარი	ჭკვიანი მრიცხველის მოწყობის ღირებულება დღგ-ის ჩათვლით, ლარი
0.4	1-10 (220 ვ)	15	600	450
	1-დან -10	15	1200	1000
	10-დან -30	15	1200	1000
	30-დან-50	15	1200	1000
	50-დან -80	15	1500	1200
	80-დან – 100	20	1500	1200
	100-დან-120	20	1800	1200
	120-დან -150	20	1800	1200
	150-დან -200	20	2000	1200
	200-დან -320	20	2500	1200
	320-დან -500	20	3000	1200
	500-დან -800	25	3500	1200
	800-დან -1000	25	3800	1200
	1000-დან და მეტი კვტ	25	4000	1200
10 კვ	1-500	25	13000	2200
	500-დან -1000	25	14000	2200
	1000-დან და მეტი კვტ	25	15000	2200

მომხმარებლის მიერ ელექტროენერგიის გამანაწილებელ ქსელში გადადინების შეზღუდვის პირობის დარღვევის შემთხვევაში, როდესაც მომხმარებლის მფლობელობაში არსებული წარმოების საშუალება მოქმედი კანონმდებლობის შესაბამისად არ არის რეგისტრირებული სათანადო წესით ელექტროენერგიის საცალო ან საბითუმო ბაზარზე და მომხმარებელთან დამონტაჟებულ ორმიმართულებიანი (რევერსული) მრიცხველზე დაფიქსირებული მონაცემით დასტურდება, რომ ადგილი აქვს წარმოებული ელექტროენერგიის გამანაწილებელ ქსელში უკანონოდ (არასანქცირებულად) გადადინებას სისტემის ოპერატორი გაატარებს შესაბამის ღონისძიებებს, მათ შორის:
მომხმარებელს განუსაზღვრავს გონივრულ ვადას შიდა ქსელში შესაბამისი ავტომატიკის ან სხვა ტექნიკური საშუალებების მოწყობისთვის, ხოლო აღნიშნული ვადის უშედეგოდ გასვლის შემდეგ გამანაწილებელ ქსელში თავად მოაწყობს შესაბამის ავტომატიკას და ერთჯერადად მოსთხოვოს მომხმარებელს ელექტროენერგიის ქსელში გადადინების თავიდან ასაცილებლად გაწეული ხარჯების ანაზღაურებას.

დადგმული სიმძლავრის დადასტურება

50 კილოვატი და მეტი დადგმული სიმძლავრის ელექტროენერგიის წარმოების საკუთარი საშუალების (გარდა საბითუმო ბაზარზე რეგისტრირებული ელექტროენერგიის წარმოების საშუალებისა) მფლობელი მომხმარებელი, რომელიც გამანაწილებელ ქსელთან მიერთდა 2025 წლის პირველ ოქტომბრამდე, ვალდებულია 2026 წლის პირველ სექტემბრამდე სისტემის ოპერატორს წარუდგინოს მის მფლობელობაში არსებული ელექტროენერგიის წარმოების საკუთარი საშუალების დადგმული სიმძლავრის შესახებ წესებით გათვალისწინებული დასკვნა/აქტი.

50 კილოვატი და მეტი დადგმული სიმძლავრის ელექტროენერგიის წარმოების საკუთარი საშუალების (გარდა საბითუმო ბაზარზე რეგისტრირებული ელექტროენერგიის წარმოების საშუალებისა) მფლობელი მომხმარებელი, რომლის მიერთების განაცხადი შესრულების პროცესშია 2025 წლის პირველი ოქტომბრის მდგომარეობით, ვალდებულია ელექტროენერგიის წარმოების საკუთარი საშუალების დადგმული სიმძლავრის შესახებ დასკვნა/აქტი სისტემის ოპერატორს წარუდგინოს მიერთების სამუშაოების დასრულებიდან 8 თვის ვადაში.

ზემოთ აღნიშნული დასკვნის/აქტის წარუდგენლობის შემთხვევაში სისტემის ოპერატორი თავად განახორციელებს ამ მომხმარებლის ელექტროენერგიის წარმოების საკუთარი საშუალების დადგმული სიმძლავრის დადასტურებას წესების 22² მუხლის მე-9 პუნქტით გათვალისწინებული შემოწმების ზუსტი თარიღის შესახებ ინფორმირებისა და საფასურის დარიცხვის პირობის შესაბამისად. ამასთან, თუ ზედიზედ ორჯერ, სისტემის ოპერატორის წარმომადგენელი განზრახ არ დაუშვეს ელექტროენერგიის წარმოების საკუთარი საშუალების დადგმული სიმძლავრის დასადგენად, ამ ფაქტის დაფიქსირების მომდევნო საანგარიშსწორებო თვიდან ელექტროენერგიის წარმოების საშუალება კარგავს მიკროსიმძლავრის ელექტროსადგურის სტატუსს და მასზე ვრცელდება წესების 22¹ მუხლით გათვალისწინებული პირობები.

საკუთარი წარმოების საშუალების დადგმული სიმძლავრის შემოწმების საფასური

მომსახურების ღირებულება ელექტროენერგიის საკუთარი საშუალებების დადგმული სიმძლავრის დადასტურებისათვის, სადგურის სიმძლავრის მიხედვით ერთ ლოკაციაზე.

განაწილების სისტემის ოპერატორთან დაფიქსირებული ელექტროენერგიის წარმოების საკუთარი საშუალების სიმძლავრე (კვტ)	მომსახურების ღირებულება დღგ-ს ჩათვლით (ლ)
0 - 150	1100
150-დან 320	1600
320-დან 500	2200

შენიშვნა:

ერთ ლოკაციაზე 500 კვტ-ზე მეტი დადგმული სიმძლავრის დაფიქსირების შემთხვევაში, ყოველ დამატებით 1-დან 100 კვტ-მდე მომსახურების ღირებულება იზრდება 600 ლარით, დღგ-ს ჩათვლით.
შემოწმების შედეგების შესაბამისად თუ აღმოჩნდა, რომ ფაქტობრივად არსებული სიმძლავრე აღემატება განაწილების სისტემის ოპერატორთან დაფიქსირებული ელექტროენერგიის წარმოების საკუთარი საშუალების სიმძლავრეს, მომსახურების ღირებულება დაანგარიშდება ფაქტობრივად არსებული სიმძლავრის შესაბამისი პაკეტით.
წარმოების საკუთარი საშუალების განთავსების სპეციფიკიდან გამომდინარე, ამწე კოშკურის გამოყენების საჭიროების შემთხვევაში, დასახელებულ თანხას დაემატება დღეში 250 ლარი დღგ-ს ჩათვლით.

საბანკო რეკვიზიტები, რომელზეც უნდა მოხდეს საკუთარი წარმოების საშუალების დადგმული სიმძლავრის შემოწმების საფასურის გადახდა: