დასაქმების პროცედურა

სტაჟირების პროგრამის გასავლელად კანდიდატმა უნდა შეავსოს სააპლიკაციო ფორმა და მიმართოს შესაბამისი ფილიალის პერსონალთან მუშაობის სამსახურს/სპეციალისტს.

სტაჟირებაზე მიღებულ კანდიდატს განესაზღვრება სასწავლო პროგრამა და შესაბამისი დავალებები, რომელსაც მეთვალყურეობას უწევს სპეციალურად ამ მიზნით გამოყოფილი მენტორი. მენტორად შეირჩევა სს “ენერგო–პრო ჯორჯიას” ანალოგიური ან უფრო მაღალი თანამდებობის გამოცდილი თანამშრომელი.

სტაჟირების პროცესში მენტორი უზრუნველჰყოფს სტაჟიორის ადეკვატურ მომზადებას. საჭიროების შემთხვევაში, გადასცემს ყველა შესაბამის თეორიულ მასალას და პროგრამის დასრულების შემდეგ, აფასებს თუ რამდენად წარმატებით იქნა ათვისებული სტაჟიორის მიერ პროგრამით გათვალისწინებული მასალა, აკეთებს მის პიროვნულ დახასიათებას.

სტაჟირების ხანგრძლივობა:

სტაჟირების ვადა განისაზღვრება 1–დან 3 თვემდე. ურთიერთშეთანხმების საფუძველზე, სტაჟირების ვადა შესაძლოა დამატებით გაგრძელდეს არაუმეტეს 6 თვის ვადით.

ტესტირება

მეშვიდე რგოლის ვაკანტური თანამდებობების დასაკავებლად, სტაჟიორებისთვის ტესტირება  ტარდება ყოველთვიურად, თბილისში, ბათუმსა და ქუთაისში.  

კონკურსში მონაწილეობის უფლება ეძლევა სტაჟირების პროგრამაში ჩართულ ყველა მსურველს, ვისაც სტაჟირების დაწყების თარიღიდან შეუსრულდა არანაკლებ 1 თვე მაინც და რომელსაც რეკომენდაციას უწევს შესაბამისი სტრუქტურული ერთეულის ხელმძღვანელი.

ტესტით განსაზღვრული ყველა სახის პროფესიული შინაარსის საკითხი ატვირთულია კომპანიის ონლაინ სასწავლო პლათფორმაზე, სადაც სტაჟიორებს ეძლევათ საშუალება ჩამოტვირთონ როგორც სასწავლო მასალა, ტესტები სწორი პასუხებით, ასევე, გამოცდამდე, ცოდნის გადამოწმების მიზნით გაიარონ ონლაინ საიმიტაციო ტესტირება.  საგამოცდო საკითხები შეგიძლიათ იხილოთ აღნიშნულ ბმულზე: http://training.energo-pro.ge/  
 

საგამოცდო ბილეთი შედგება 30 კითხვისგან და მოიცავს შემდეგ საკითხებს:

• უტწ - უსაფრთხოების ტექნიკის წესები - 15 კითხვა;
• ტეწ - ტექნიკური ექსპლუატაციის წესები - 9;
• სახანძრო უსაფრთხოების წესები - 3;
• პირველადი დახმარება - 3.  

ტესტირებისთვის განკუთვნილი დრო: 45 წთ.

ტესტირების შედეგები და მონაცემთა დათვლა: 

ტესტირების შედეგების საფუძველზე მიიღება შემდეგი სამი სახის გადაწყვეტილება:

1. კანდიდატმა მოაგროვა უმაღლესი სატესტო ქულა, შესაძლებელია დანიშნული იყოს ვაკანტურ თანამდებობაზე;
2. კანდიდატმა მოაგროვა მაღალი ქულა და ჩარიცხულია პოტენციურ თანამშრომელთა რეზერვში; (პოტენციურ თანამშრომელთა რეზერვში ჩარიცხული კონკურსანტების დასაქმება მოხდება მათ მიერ მიღებული ტესტის საერთო ქულების რეიტინგის რიგითობის მიხედვით).
3. კანდიდატმა ვერ მოაგროვა გამსვლელ ქულათა მინიმალური ოდენობა და მიიღო უარყოფითი შეფასება.

დასაქმება:

ვაკანტურ თანამდებობებზე პირველ რიგში წარდგენილნი იქნებიან ტესტირების შედეგად ყველაზე მაღალი ქულის მქონე სტაჟიორები. ამასთანავე გათვალისწინებული იქნება სტაჟირების პროგრამის გასავლელად შევსებულ სააპლიკაციო ფორმაში კანდიდატის მიერ მითითებული პრიორიტეტები დასაქმების ადგილმდებარეობის შესახებ.
ვაკანტურ თანამდებობაზე დასანიშნად, კანდიდატი ვალდებულია პერსონალთან მუშაობის სპეციალისტს წარუდგინოს შევსებული ანკეტა და სამსახურში მიღებისთვის აუცილებელი დოკუმენტაცია.

გისურვებთ წარმატებებს!